Партугальская партыя «Ліберальная ініцыятыва» прадставіла законапраект аб стварэнні нацыянальнай гуманітарнай візы, якая будзе выдавацца людзям, што ўцякаюць ад вайны, сур’ёзнай пагрозы ці пераследу.
Віза будзе выдавацца ў амбасадзе Партугаліі на тэрыторыі краіны паходжання заяўніка ці ў суседняй краіне. На тэрыторыі Партугаліі з такой візай у пашпарце можна будзе прасіць палітычны прытулак.
На дадзены момант замежныя грамадзяне ці асобы без грамадзянства могуць прасіць прытулак у Партугаліі толькі на яе тэрыторыі праз запыт у Агенцыю па інтэграцыі, міграцыі і прытулку ці ў іншых паліцэйскіх органах.
Новым законапраектам «Ліберальная ініцыятыва» хоча стварыць магчымасць для першага кроку да прытулку яшчэ ў амбасадзе Партугаліі на тэрыторыі іншай краіны – такім крокам і стане заява на гуманітарную візу. Такім чынам мусяць быць зменшаныя рызыкі, звязаныя з тым, каб спачатку ўехаць у краіну і потым прасіць прытулку.
Партугалія будзе выдаваць гуманітарную візу грамадзянам краінаў, датычна якіх вядома пра ваенныя, этнічныя і іншыя канфлікты. Такая віза будзе дзейсная толькі на тэрыторыі Партугаліі.
Законапраект быў ухвалены ў пятніцу, 11 кастрычніка, Асамблеяй Рэспублікі і цяпер абмяркоўваецца ў парламенцкім камітэце па канстытуцыйных пытаннях, правах, свабодах і гарантыях.
,,«У Партугаліі будзе прыняты закон па гуманітарных візах. Гэта дае магчымасць у тым ліку беларусам атрымліваць гуманітарныя візы і прытулак у гэтай краіне. Падобныя законы ўжо працуюць у Польшчы, Літве, Нямеччыне. Дзякуем парляментарыям!», - пракаментаваў заканадаўчую ініцыятыву Партугаліі старэйшы дарадца Святланы Ціханоўскай Франак Вячорка.
Марыя Міхалевіч belsat.eu
![Кадр з фільма. Фота: скрыншот з відэа [TNO/OTL] Custom Super Events Belarus | Post-Lukashenko / YouTube](https://s2.tvp.pl/images2/b/3/5/uid_b358422349bd4808bc86d47cb7901563_width_499_play_0_pos_0_gs_0_height_280.png)
