Некамерцыйны праект Internet Archive, якому належыць сэрвіс The Wayback Machine, зазнаў маштабную ўцечку дадзеных у выніку хакерскага ўзлому.
Паводле The Verge, пры заходзе на сайт праекта наведнікі маглі пабачыць акно з тэкстам:
«Вы калі-небудзь адчувалі, што Інтэрнэт-архіў працуе ў межах магчымасцей і пастаянна знаходзіцца на мяжы катастрафічных парушэнняў бяспекі? Гэта толькі што адбылося. Паглядзіце, 31 мільён з вас на HIBP!»
Цяпер сайт адкрыць немагчыма.
Заснавальнік Internet Archive Брустэр Кэйл пацвердзіў парушэнне і сказаў, што вэб-сайт быў узламаны пры дапамозе апавяшчэння праз бібліятэку JavaScript.
Заснавальнік сэрвісу HIBP Трой Хант паведаміў, што атрымаў ад хакераў інфармацыю аб дадзеных наведнікаў Internet Archive: уцечка змяшчае дадзеныя для 31 мільёна ўнікальных адрасоў электроннай пошты. Узлом, імаверна, адбыўся ў канцы верасня.
Як зазначае «Медуза», хакеры атрымалі доступ да адрасоў электроннай пошты, нікнеймам карыстальнікаў і зашыфраваных пароляў. У акаўнце SN_Blackmeta у сацыяльнай сетцы X з'явілася абвестка, што гэта яны ўзламалі Internet Archive. Ніякіх патрабаванняў хакеры не выстаўлялі, мэты ўзлому не тлумачылі.
Глеб Нержын belsat.eu
