Нобелеўская прэмія ў літаратуры за 2024 год прысуджаная паўднёвакарэйскай пісьменніцы Хан Канг. Пра гэта 10 кастрычніка паведамілі ў Нобэлеўскім камітэце.
Яна атрымала прэмію «за ейную інтэнсіўную паэтычную прозу, што сутыкаецца з гістарычнымі траўмамі і раскрывае далікатнасць чалавечага жыцця».
Хан Канг – дачка пісьменніка Хан Сынг Ўона. Ейны брат брат Хан Донг Лім – таксама пісьменнік. Яна нарадзілася ў 1970 годзе, ва ўніверсітэце вывучала карэйскую літаратуру. З лета 2013 года выкладае пісьменніцкае майстэрства ў Сеульскім інстытуце мастацтваў.
У 2005 годзе Хан Канг атрымала карэйскую Літаратурную прэмію І Санга. Лаўрэатка Міжнароднай Букераўскай прэміі 2016 года за раман «Вегетарыянка» пра жанчыну, якая пастанавіла не есці мяса. У 2018 годзе раман Хан Канг «Любімаму сыну» быў выбраны для арт-праекту шатландскай мастачкі Кэйці Пэтэрсан «Бібліятэка будучыні». Ён будзе апублікаваны ў 2114 годзе ў анталогіі са 100 тэкстаў. Да таго часу рукапіс будзе захоўвацца ў Публічнай бібліятэцы Осла ў нявыдадзеным і непрачытаным выглядзе.
У 2021 годзе Хан Канг апублікавала раман «Я не развітваюся», у якім вачыма трох жанчын паказана паўстанне на востраве Чэчудо. Раман быў узнагароджаны французскай прэміяй Мэдычы 2023 года за найлепшы замежны твор. У 2023 годзе была выбраная міжнароднай пісьменніцай брытанскага Каралеўскага літаратурнага таварыства.
Якуб Хруст belsat.eu
