Увечары 9 кастрычніка ў паліцыю Віленскай акругі паступіла паведамленне аб трох метэазондах з кантрабандай.
Як піша Delfi, першае паведамленне паступіла а 22:12. У Шырвінцкім раёне ў двор да мужчыны прыляцеў белы метэазонд з кантрабанднымі цыгарэтамі.
А 22:38 паступіла паведамленне, што ў Вільні, у Ніжніх Панарах, у двор да мужчыны прыляцеў белы метэазонд з нелегальнымі цыгарэтамі.
А 22:52 у паліцыю паведамілі пра такі ж лятаючы аб’ект у цэнтры Вільні, на стаянцы каля гандлёвага цэнтру CUP. У каробках таксама былі цыгарэты.
Абставіны гэтых здарэнняў высвятляе паліцыя.
Літоўскія службы ў верасні зарэгістравалі 250 паветраных шароў, што ляцелі з Беларусі. Пры гэтым літоўцы не мяркуюць, што зонды неяк звязаныя са шпіянажам. Ува ўсіх выпадках, калі шары былі знойдзеныя, яны перавозілі кантрабандныя цыгарэты.
Якуб Хруст belsat.eu
