За дзевяць сёлетніх месяцаў Польшча прыняла больш за 12 тысяч заяваў ад замежнікаў на наданне міжнароднай абароны. Гэта на 29 % больш, чым за ўвесь мінулы год.
Да канца верасня 2024 года Польшча атрымала 12,3 тысячы заяваў аб наданні міжнароднай абароны ад замежнікаў. З іх грамадзяне Украіны – 4,5 тыс., Беларусі – 2,9 тыс., Расеі – 0,8 тыс., Самалі і Эрытрэі – па 0,5 тыс. асобаў.
Для параўнання, за ўвесь мінулы год у Польшчы на абарону падаліся 9,5 тыс., у 2022 годзе – 9,9 тыс., а ў 2021 годзе – 7,7 тыс. асобаў.
Беларусы сталі яшчэ часцей звяртацца па міжнародную абарону: заяваў падалі прыкладна на 7 % больш, чым за аналагічны леташні перыяд. Але асноўны рост забяспечылі ўкраінцы.
Усплёск зваротаў прывёў да таго, што грошы на сацыяльную дапамогу замежнікам, якія звяртаюцца па міжнародную абарону, скончыліся раней, чым планавалася. Цяпер урад Польшчы вылучыць дадаткова 19,6 млн злотых са спецыяльнага рэзерву Управы ў справе замежнікаў, якіх хопіць прыкладна на тры месяцы гэтага года – для медычныга абслугоўвання замежнікаў ды іншыя сацыяльныя мэты.
«Неабходнасць павелічэння сродкаў абумоўленая ростам колькасці замежнікаў, якія звяртаюцца па міжнародную абарону ў Польшчы», – расказаў «Rzeczpospolita» прадстаўнік Управы ў справе замежнікаў Якуб Дудзяк.
Да канца верасня колькасць замежнікаў, якія атрымліваюць сацыяльную дапамогу на падставе міжнароднай абароны, склала больш за 6 тысяч – гэта плюс 2 тысячы асобаў
Чытайте пра міжнародную абарону тут:
Як звярнуцца па міжнародную абарону ў Польшчы? Пакрокавая інструкцыя і складанасці
Што кажуць людзі, якія падаваліся на міжнародную абарону ў Польшчы
8 папулярных пытанняў пра міжнародную абарону ў Польшчы
Тэса Анэйда belsat.eu
