Жыхары аднаго з дамоў на вуліцы Бруна ў варшаўскім раёне Макотаў выклікалі паліцыю, бо на лесвічнай пляцоўцы пэўны час стаяў непрыемны пах. Высветлілася, што ён ішоў з кватэры, што наймае беларус.
Падчас агляду кватэры паліцэйскія знайшлі каля 500 дозаў наркотыкаў, у тым ліку марыхуаны, мефедрону і какаіну. Беларус распавёў, што атрымліваў наркатычныя сродкі ад невядомага яму мужчыны, з якім звязваўся праз мэсэнджар. Імаверна, наркотыкі набываліся з мэтаю далейшага распаўсюду.
Паліцыя затрымала беларуса, сканфіскавала наркотыкі, а таксама больш за 3 тысячы злотых у якасці магчымай кампенсацыі шкоды. За захоўванне наркотыкаў мужчыне можа пагражаць да 10 гадоў пазбаўлення волі.
Марыя Міхалевіч belsat.eu
