Камісія ў пытаннях сацыяльнай палітыкі Каардынацыйнай рады распрацавала план дзеянняў для ўмацавання рэпрадуктыўнага здароўя, фармавання культуры здаровага ладу жыцця і аховы здароўся беларусаў.
У прыватнасці, з нагоды Сусветнага дня барацьбы з ракам малочных залозаў, які адзначаецца 15 кастрычніка, запланаваны шэраг акцыяў, накіраваных на захаванне рэпрадуктыўнага здароўя праз пашырэнне ведаў пра анкалогію, а таксама распаўсюд ведаў пра неабходнасць фармаваць адказнасць за здароўе чалавека перад самім сабой.
12 кастрычніка ў Варшаве, а 19-га ў Вільні адбудзецца прэм’ера фільму пра беларусак, якія больш за тры гады жывуць з ракам, адкрыецца фотавыстава з гераінямі. Таксама адбудзецца сустрэча з доктарам, дзе можна будзе больш даведацца пра жаночы рак і запытацца пра тое, што хвалюе.
У Вільні запланаваныя індывідуальныя кансультацыі паводле папярэдняга запісу. Каб сустрэча з доктарам прайшла больш прадуктыўна і каб запланаваць іншыя падзеі на тэму жаночага здароўя, удзельніц просяць запоўніць адмысловую анкету.
Якуб Хруст belsat.eu
