Гадавіна нападу «Хамасу» на Ізраіль: падзеі 7 кастрычніка 2023 года ў фотаздымках

07.10.2024, 12:50

Чальцы ісламісцкага руху «‎Хамас» трымаюць палестынскі сцяг над захопленым ізраільскім танкам, сектар Газа. 7 кастрычніка 2023 года. Фота: Hani Alshaer / Anadolu Agency / Getty Images

podpis źródła zdjęcia

Год таму з нападу палестынскага руху «‎Хамас» на Ізраіль пачаўся найбуйнейшы ўзброены канфлікт на Блізкім Усходзе за апошнія паўстагоддзя. Згодна з дадзенымі Цагаль ноччу 7 кастрычніка 2023 года па тэрыторыі Ізраілю было запушчана каля 2500 ракет (па дадзеным баевікоў – каля 5000) – у выніку ізраільская сістэма ПРА «Жалезны купал» апынулася перагружанай колькасцю снарадаў. Беспрэцэдэнтная атака была часткай шырэйшага наступу, які ўключаў у сябе прарыў агароджы на мяжы з Ізраілем і напад на бліжэйшыя населеныя пункты. Паказваем, як пачыналася новая вайна паміж Ізраілем і «‎Хамасам».

Падчас нападу баевікі забілі 1189 чалавек, у тым ліку 815 грамадзянскіх, паранілі 7500 чалавек і захапілі ў закладнікі 251 чалавека ў закладнікі. Праз год вайны ў палоне ў сектары Газа застаюцца 97 чалавек.