Але прагнозы дактароў для 27-гадовага грамадзяніна добрыя.
Пра пацярпелага ў выніку тэракту 1 кастрычніка 2024 года ў ізраільскім горадзе Яфа паведаміла беларускае МЗС.
«Са шкадаваннем паведамляем, што ў выніку тэракту 1 кастрычніка 2024 г. у горадзе Яфа (Ізраіль) быў цяжка паранены грамадзянін Беларусі 1997 г. н. Амбасада застаецца ў кантакце з мясцовымі кампетэнтнымі ўладамі і медычнай установай, у якую быў шпіталізаваны пацярпелы. Прагнозы медыкаў цяпер пазітыўныя, – піша МЗС Беларусі на старонцы ў Facebook.
МЗС Беларусі рэкамендавала па магчымасці ўстрымацца ад паездак у шэраг краінаў Блізкага Усходу, у першую чаргу Ізраіль і Ліван.
Нагадаем, 1 кастрычніка 10 чалавек загінулі і 16 атрымалі раненні ў выніку нападу са стралянінай і халоднай зброяй у Яфе, які адбыўся за некалькі хвілінаў да таго, як Іран абстраляў Ізраіль балістычнымі ракетамі.
Тэса Анэйда belsat.eu
