Былы прэтэндэнт на кандыдата на прэзідэнцкіх выбарах 2020 года Валер Цапкала мяркуе, што на выбарах 2025 года дэмакратычныя сілы мусяць падтрымліваць любога альтэрнатыўнага кандыдата.
«Калі з’явіцца які-небудзь беспрацоўны, бяздомнік і гэтак далей, то такога ў першую чаргу трэба будзе падтрымліваць», – заявіў палітык у праграме на канале Дмытра Гардона.
Акрамя таго, Валер Цапкала сказаў, што Аляксандр Лукашэнка прымае гарманальныя прэпараты, у яго ўтвараюцца тромбы і ў любым момант ён можа трапіць у больніцу.
Галоўны дарадца абранай прэзідэнткі Святланы Ціханоўскай Франак Вячорка ў інтэрв’ю «Белсату» заявіў, што ў дэмакратычных сілаў «да лістапада... мае быць узгодненая дакладна тактычная пазіцыя, што мы робім у дзень галасавання». «Мы ўжо прыйшлі да кансэнсусу з асноўнымі дэмакратычнымі структурамі, цяпер вядуцца кансультацыі з Каардынацыйнаю радаю», – сказаў ён, адмовіўшыся пакуль агучваць асноўныя мэсіджы і дзеянні.
Улады заяўляюць, што ў іх ёсць чатыры даты для правядзення выбараў.
Якуб Хруст belsat.eu
