навіны

Кіраўнік МЗС Польшчы паведаміў пра перамовы ў ЗША аб беларускіх палітвязнях

img
Здымак мае ілюстрацыйны характар. Акцыя салідарнасці з беларускімі палітвязнямі. Фота: Белсат
podpis źródła zdjęcia

Радослаў Сікорскі размаўляў пра гэта ў Дзяржаўным дэпартаменце. Дэталяў перамоваў дыпламат не абнародаваў.

У Злучаных Штатах кіраўнік польскай дыпламатыі браў удзел у сесіі Генеральнай асамблеі ААН, прамаўляў на пасяджэнні Рады бяспекі ААН, выступіў з лекцыяй ва Універсітэце Джонза Гопкінза. Пра вынікі візіту Радослаў Сікорскі расказаў на відэа, апублікаваным на старонцы МЗС Польшчы ў сацыяльнай сетцы X.com:

,,

«У Вашынгтоне я сустрэўся з Джэйкам Саліванам, дарадцам у нацыянальнай бяспецы. Таксама меў сустрэчу ў Дзяржаўным дэпартаменце з прадстаўніком у справах закладнікаў і палітычных вязняў. Гэта вельмі важна ў кантэксце зняволеных беларускіх апазіцыянераў, у тым ліку Анджэя Пачобута».


Хлопчык сядзіць каля партрэту Кацярыны Андрэевай падчас маршу, прысвечанаму чацвёртай гадавіне выбараў і пратэстаў-2020. Варшава, Польшча. 9 жніўня 2024 года. Фота: Белсат

Чаму Лукашэнка пачаў вызваляць палітвязняў – і ці адпусціць усіх? Разбіраемся з экспертамі

Аналітыка
Пра вынікі гэтых перамоваў міністр замежных справаў Польшчы нічога не сказаў.

Анджэй Пачобут – актывіст польскай меншасці, журналіст. Яго абвінавацілі ў «закліках да санкцыяў» і «распальванні варожасці» ды пасадзілі на 8 гадоў. Пачобут адбывае тэрмін у самай жорсткай калоніі Беларусі. 


Паводле праваабарончага цэнтру «Вясна», цяпер у Беларусі 1325 палітвязняў, паводле ініцыятывы «Dissidentby» – 1403.


Сцяпан Кубік belsat.eu

больш па гэтай тэме Глядзіце больш
Item 1 of 4
апошнія
Item 1 of 10