«Ён звар'яцеў ці махлюе», – кажа ў праграме «Хада думкі» пісьменнік і публіцыст Віктар Шэндэровіч.
Паводле Шэндэровіча, мы недаацанілі ступень паталагічных зменаў у свядомасці Уладзіміра Пуціна. Такую імавернасць трэба браць у разлік.
«Я не ведаю, што адбываецца там унутры, я не ведаю, як яны размаўляюць адно з адным, калі няма тэлекамеры, – кажа Шэндэровіч. – Можа, падміргваюць адно аднаму і кажуць, маўляў, давай гэтых піндосаў яшчэ разульку шуганем, ці яны ўсур'ёз».
Мы не ведаем, у якім стане цяпер ядравая зброя, мы не ведаем, па якім ланцужку мае пайсці каманда, ці ёсць там нармалёвыя людзі, якія перапыняць гэты ланцужок. Віктар Шэндэровіч думае, што зашмат невядомых, каб з упэўненасцю рашыць гэтае раўнанне.
Усе чырвоныя лініі Пуцін ужо даўно перайшоў, таму ёсць надзея на тое, што гэта чарговы няспраўны, дурнаваты шантаж, мяркуе Шэндэровіч.
Таксама ў праграме «Хада думкі з Віктарам Шэндэровічам»:
- Хірасіма і Нагасакі здадуцца дзіцячым садком;
- навошта суд, калі ёсць ваенкамат;
- ці патрэбны лідар расейскай апазіцыі;
- пра магчымасць масавай акцыі расейцаў за мяжой.
Вядоўца праграмы – Ян Маравіцкі.
«Хаду думкі з Віктарам Шэндэровічам» глядзіце кожную пятніцу а 21:00 у жывым эфіры «Белсату», а таксама на YouTube-канале Вот Так.
belsat.eu / МВ
