У трох раёнах Менску назіраюцца праблемы з водазабеспячэннем. Пра гэта ўвечары 26 верасня паведамілі ў «Менскводаканале».
«У сувязі з пашкоджаннем магістральнага вадавода дыяметрам 1000мм назіраецца зніжэнне ціску, адсутнасць і пагаршэнне якасці водазабеспячэння ў Кастрычніцкім, Заводскім і Ленінскім раёнах Менску», — заявілі на прадпрыемстве.
Там адзначылі, што прымаюць усе неабходныя аператыўныя захады для аднаўлення параметраў водазабеспячэння.
Адзначым, што менавіта 26 верасня «Менскводаканал» праводзіў конкурс прафесійнага майстэрства «Лепшы слесар-рамонтнік» вытворчасці «Мінскводаправод». Цяпер ва ўдзельнікаў ёсць магчымасць папрактыкавацца ў рэальных умовах.
Якуб Хруст belsat.eu
