Літоўскія памежнікі затрымалі ў Мядзінінкаі беларуса на аўтамабілі, які лічыцца сагнаным ва Украіне з сакавіка 2022 года. Беларус, які вяртаўся дадому, кажа, што нядаўна купіў машыну.
42-гадовага беларуса на «Opel Mokka» 2022 года з польскімі нумарамі затрымалі пры праверцы дакументаў на памежным пераходзе 23 верасня. Аказалася, што ва Украіне гэтую машыну скралі больш за два гады таму.
«Кіроўца растлумачыў, што ўсяго дзесяццю днямі раней, 13 верасня, ён завалодаў пазадарожнікам "Opel Mokka" у 36-гадовага грамадзяніна Румыніі, які лічыцца ўладальнікам аўтамабіля па натарыяльна заверанай даверанасці тэрмінам на адзін год. Беларус сцвярджае, што не ведаў пра тое, што аўтамабіль знаходзіцца ў вышуку», – паведамляе памежная служба Літвы.
У Віленскай памежнай паліцыі распачатае дасудовае расследаванне па факце набыцця або рэалізацыі маёмасці, здабытай злачынным шляхам. Закон прадугледжвае за такія злачынствы штраф, абмежаванне волі, арышт або пазбаўленне волі на тэрмін да чатырох гадоў.
Беларус, быў апытаны ў якасці сведкі і адпушчаны.
«Opel Mokka» часова захоўваецца ў Віленскім памежным паліцэйскім участку.
Арсен Рудэнка belsat.eu
