Некампетэнтнасць сілавікоў і жаданне надаць злачынству палітычны характар, каб яшчэ больш закруць гайкі. Здарэнне у Магілёве, падчас якога жыхар горад напаў з нажом на двух супрацоўнікаў ГУЗАЗіКу, «Белсату» пракаментавалі прадстаўнікі «BELPOL».
«Ім так прасцей усё зараз заганяць пад марку экстрэмізму. Гэта і тлумачэнне, бо ў любым разе даклад будзе ад так званага міністра і ў далейшым гэта можна будзе выкарыстоўваць для закручвання гаек», - кажа прадстаўнік ініцыятывы «BELPOL» Уладзімір Жыгар.
Міліцыянты ўжо адрапартавалі, што ўдома ў затрыманага знойдзеныя патроны, халодная зброя, кнігі на тэмы псіхалогіі і экстрэмізму. На думку ж нашага суразмоўцы, гэтая інфармацыя яшчэ мусіць быць правераная.
Акрамя таго, тое, што адбылося, сведчыць пра непрафесіяналізм беларускіх сілавікоў, якія паспрабавалі зарымаць мужчыну ў досыць людным месцы, нават не падумаўшы, што той можа быць узброены.
,,«Калі яны ідуць затрымліваць з сілавой падтрымкай, гранатамі, рана раніцай урываючыся ў кватэры людзей, - гэта проста людзей, якія не гатовыя аказваць ім ніякага супраціву. Гэта паказвае, што ўзровень так называемых сілавікоў у Беларусі застаўся роўна на тым жа самым нізкім узроўні», - разважае Уладзімір Жыгар.
Пры гэтым сам факт, што таго, што сілавікі былі ў цывільным (а гэта бачна на відэа), - абсалютна законны і дапушчальны, патлумачыў нам яшчэ адзін прадстаўнік «BELPOL» Мацвей Купрэйчык.
Ён звяртае ўвагу на іншае: так званая прафілактычная гутарка адбывалася літаральна ля святлафору.
,,«Усе такія моманты або ў кабінце, або ў апорцы, або дома праводзяць. І ніколі ў жыцці іх не будуць праводзіць на скрыжаванні, бо пры такой размове запаўняюцца пэўныя дакументы».
Як паведамлялася, 23 верасня у Магілёве У Магілёве на скрыжаванні вуліцаў Астроўскага і Пушкінскай сілавікі затрымалі чалавека, які напаў на мінакоў з нажом. Пазней МУС патлумачыла, што гэта былі супрацоўнікі ГУЗАЗіКу, якія праводзілі прафілактычную размову з нападнікам. Таксама паведамлялася, што пры ім знайшлі два нажы і пісталет, што ён затрыманы і мае дачыненне да «экстрэмісцкай дзейнасці». Следчы камітэт Магілёўскай вобласці распачаў крымінальную справу паводле факту замаху на забойства аператыўных працаўнікоў МУС.
Паводле інфармацыі праваабаронцаў, затрыманы - гэта шасцідзесяцідвухгадовы Аляксандр Кандрычын.
Падрабязней глядзіце ў сюжэце
Аліна Скрабунова, Марыя Голдстэйн, «Белсат»
