Прычына – пагроза нацыянальнай бяспецы.
Начальнік Галоўнага ўпраўлення разведкі Міністэрства абароны Украіны Кірыл Буданаў заявіў, што расейскія спецслужбы маюць доступ да перапіскі карыстальнікаў Telegram, нават калі паведамленні выдаленыя, а таксама да іх персанальным дадзеных.
«Я заўсёды выступаў і выступаю за свабоду слова, але пытанне Telegram – гэта пытанне не свабоды слова, гэта пытанне нацыянальнай бяспекі», – цытуе яго Рада нацыянальнай бяспекі і абароны Украіны на старонцы ў Facebook.
Служба бяспекі Украіны і Генштаб ВСУ таксама заявілі, што Расея актыўна выкарыстоўвае гэты мэсанджар для кібератак, распаўсюджвання шкоднаснага праграмнага забеспячэння, устанаўлення геолокации карыстальнікаў і карэкціроўкі ракетных удараў.
Абмежаванне закране толькі службовыя перамовы паміж супрацоўнікамі дзяржструктур, а таксама выкарыстанне для аператараў крытычнай інфраструктуры. На асабістых прыладах мэсэнджэрам усё яшчэ можна будзе карыстацца.
Уладальнік Telegram Павел Дураў сцвярджае, што ні адна краіна свету не можа атрымаць доступ да перапіскі карыстальнікаў ні па адным афіцыйным дакуменце. Але, падобна, пасля нядаўняга затрымання Дурова ў аэрапорце Парыжу і наступнай змены правілаў карыстання Telegram украінскія ўлады вырашылі не рызыкаваць. Акрамя таго, у жніўні 2024 года «Важные истории» высветлілі, што з 2015 па 2021 год Дураў больш за 50 разоў прыязджаў у Расею, нават калі з ім судзілася ФСБ.
Тэса Анэйда belsat.eu
