Былой палітзняволенай і экс-прадстаўніцы ў сферы сацыяльнай палітыкі Аб'яднанага пераходнага кабінету Вользе Гарбуновай збіраюцца змяніць абмежаванне волі на ўтрыманне ў калоніі.
Праваабаронцам «Вясны» стала вядома, што 25 верасня ў судзе Маскоўскага раёну Менску будзе разглядацца справа Вольгі Гарбуновай паводле «замены абмежавання волі без накіравання ў папраўчую ўстанову адкрытага тыпу».
Але зрабіць гэта змогуць толькі завочна, бо з 2022 года Гарбунова не жыве ў Беларусі.
Вольгу Гарбунову, актывістку і былую кіраўніцу арганізацыі «Радзіслава», затрымалі ў лістападзе 2021 года. Яе абвінавачвалі паводле «народнага» артыкулу (342 арт. КК РБ) у арганізацыі альбо актыўным удзеле ў групавых дзеяннях, якія груба парушаюць грамадскі парадак – а менавіта ў арганізацыі жаночых маршаў у 2020 годзе. На Валадарцы Вольга амаль два тыдні трымала галадоўку.
У траўні 2022 года Гарбунову асудзілі да 3 гадоў абмежавання волі без накіравання ва ўстанову адкрытага тыпу тэрмінам на 3 гады («хімія»). Пасля абвяшчэння прысуду актывістку адпусцілі проста ў зале суда. Пасля гэтага яна пакінула Беларусь.
Раман Шавель belsat.eu
