16 верасня ў польскай сталіцы пачала працу незвычайная выстава плакатаў, у якой бяруць удзел больш за 20 мастакоў з розных краін. Выстава прысвечаная салідарнасці з народамі Украіны і Беларусі.
На выставе будуць прадстаўленыя працы больш як 20 мастакоў з Украіны, Польшчы, Даніі, Беларусі, Літвы, Латвіі, Румыніі і Ізраіля, якія праз свае творы хочуць выказаць падтрымку народам, што змагаюцца з расейскай агрэсіяй.
Месца, у якім праходзіць выстава, таксама своеасаблівае і мае гістарычнае значэнне. У будынку, які знаходзіцца на пляцы Канстытуцыі, 6, у 1989 годзе знаходзіўся выбарчы штаб «Салідарнасці». Гэта сімвалічнае месца падкрэслівае значэнне міжнароднай салідарнасці ў барацьбе за свабоду і дэмакратыю. Арганізатары спадзяюцца, што перамога Польшчы ў барацьбе з камунізмам стане надзеяй і натхненнем для тых, хто зараз вымушаны жыць пад акупацыяй.
Наведаць выставу можна з 16 верасня па 12 кастрычніка па адрасе: пл. Канстытуцыі, 6. Час працы: 13:00–21:00.
Раман Шавель belsat.eu
