навіны

Польшча будуе электронны бар'ер на памежнай з Беларуссю рацэ Буг

Будаўніцтва ў Польшчы электроннага бар'ера на памежнай з Беларуссю рацэ Буг
Будаўніцтва ў Польшчы электроннага бар'ера на памежнай з Беларуссю рацэ Буг. Фота: strazgraniczna.pl
podpis źródła zdjęcia

На польска-беларускай мяжы вядуцца работы па будаўніцтве электроннага бар'ера на памежнай рацэ Буг, паведаміла памежная служба Польшчы.

Бар'ер павінен дапамагчы ў барацьбе з памежнай злачыннасцю, нелегальнай міграцыяй і кантрабандай.


«Працягласць электроннага бар'ера, які цалкам знаходзіцца ў зоне дзеяння Надбужанскага аддзела Памежнай службы Польшчы, на гэтым участку складзе каля 172 кіламетраў. Ён будзе ўключаць у сябе, у прыватнасці, каля 1800 слупоў з камерамі, каля 4500 камер дзённага і цеплавізійнага назірання, а таксама спецыяльныя датчыкі для выяўлення розных фізічных асаблівасцяў аб'ектаў», – піша памежная служба Польшчы.


Ужо ідзе расчыстка тэрыторыі ад дрэў і кустоў, а затым усталёўваюцца слупы для камер і мантуюцца сістэмы электразабеспячэння.


«Архітэктура і прынцып працы абароны забяспечаць аўтаматызаваную бесперапыннасць і эфектыўнасць маніторынгу і аховы дзяржаўнай мяжы, а таксама распазнаванне, ідэнтыфікацыю пагроз і асоб, якія іх учынілі, збор доказаў і правядзенне мерапрыемстваў, накіраваных менавіта на затрыманне парушальнікаў», – адзначае памежная служба Польшчы.


Электронны бар'ер спраектаваны такім чынам, што на ўсёй яго працягласці не будзе сляпых зон.


На будаўніцтва бар'ера адведзены год і плануецца выдаткаваць больш за 279 мільёнаў злотых (каля $ 71 млн). Інвестыцыі сафінансуюцца Еўрапейскім Саюзам.


Арсен Рудэнка belsat.eu

больш па гэтай тэме Глядзіце больш
Item 1 of 4
апошнія
Item 1 of 10