У «Белгосстрах» цяпер нельга будзе заключыць дамову добраахвотнага страхавання на некаторыя прэміяльныя маркі аўтамабіляў, а таксама электрамабілі. У іх ліку LiXiang, Dongfeng E11K, HiPhi, Bentley, Ferrari, Lamborghini і Maserati.
Кампанія растлумачыла гэта выданню Blizko.by тым, што такія аўтамабілі стала амаль немагчыма адрамантаваць у Беларусі:
«Вы не зможаце іх адрамантаваць. А калі і зможаце, то без гарантыі, — кажуць у страхавой кампаніі. — Адсутнічаюць афіцыйныя дылеры па дастаўцы запчастак».
Пры гэтым на сайце «Белгосстрах» у раздзеле навін пра гэта няма ніводнага слова. Калі прынялі дакумент і як кампанія плануе «давесці гэтую інфармацыю да ведама ўсіх зацікаўленых асоб» застаецца невядомым.
Тэса Анэйда belsat.eu
