У жніўні ў Беларусі цэны знізіліся на 0,1 % у параўнанні з ліпенем, паведамляе Белстат. Гэта адбылося за кошт патаннення гародніны, садавіны, паслуг санаторыяў і міжнароднага турызму. Аднак за год інфляцыя значна разагналася.
Па групах тавараў за жнівень патаннелі толькі харчовыя – на 0,3 %. Нехарчовыя тавары выраслі ў цане за месяц на 0,1 %, а паслугі – на 0,2 %.
Харчовыя тавары ў цэлым зніжаліся ў цане за кошт сезонных прадуктаў — садавіны (- 5,9 %) гародніны (- 4,8 %). Пры гэтым цэны на раслінны алей выраслі на 2,5 %, а на макароны – на 1,2 %.
Сярод нехарчовых тавараў патаннелі толькі мыйныя сродкі на 1 %. А ў паслугах – санітарна-аздараўленчыя (-1,1 %) і міжнародны турызм (- 0,8 %).
Калі глядзець на рост цэнаў за год, то там дынаміка зусім іншая. Гадавая інфляцыя (жнівень 2024 года да жніўня 2023 года) склала 6,1 %. Харчовыя тавары падаражэлі на 7,1 %, нехарчовыя – на 4,4 %, а паслугі – на 6 %.
Арсен Рудэнка belsat.eu
