Кабінет міністраў Латвіі падоўжыў рэжым узмоцненага памежнага кантролю на мяжы з Беларуссю да 31 снежня 2024 года.
«Загад выдадзены для забеспячэння недатыкальнасці дзяржаўнай мяжы і прадухілення пагроз дзяржаве, а таксама ў сувязі з тым, што па-ранейшаму выяўляецца непрапарцыйна вялікая колькасць выпадкаў незаконнага або спроб перасячэння дзяржаўнай мяжы паміж Латвіяй і Беларуссю», – піша прэс-служба Кабінета міністраў Латвіі.
З пачатку 2024 года па 10 верасня незаконна прайсці беларуска-латвійскую мяжу спрабавалі 4210 чалавек.
«Акрамя таго, вайна, развязаная Расеяй і якаяадкрыта падтрымливаеццаБеларуссю, супраць Украіны, павінна разглядацца як дадатковы фактар рызыкі і магчымая матывацыя для Беларусі працягваць свае намаганні па дэстабілізацыі сітуацыі на мяжы з Латвіяй», – працягвае Кабінет міністраў.
Латвія ўвяла ўзмоцнены памежны рэжым з Беларуссю ў сакавіку 2024 года. Ён можа працягвацца ў будучыні, калі Латвія палічыць пазначаныя пагрозы актуальнымі.
«Дзяржаўная памежная служба ўжо забяспечвае пастаянную ахову ўсходняй мяжы. Аднак у сувязі з частымі выпадкамі незаконнага перасячэння мяжы Дзяржаўнай паліцыі і Нацыянальным узброеным сілам даручана аказваць неабходную падтрымку ГПС у забеспячэнні памежнай аховы знешняй мяжы краіны з мэтай прадухілення незаконнага перасячэння знешняй мяжы краіны», – расказаў пра захады абароны Кабінет міністраў Латвіі.
Арсен Рудэнка belsat.eu
