На адным з расійскіх палігонаў праходзяць заняткі па кіраванні ракетнымі ўдарамі. У тым ліку задзейнічаныя беларускія рэактыўныя сістэмы залпавага агню «Паланэз-М», паведамляе Міністэрства абароны Беларусі.
Плануецца баявыя пускі на далёкасць 300 кіламетраў.
«Праходзіць падрыхтоўка да кантрольнага занятку, у дадзены момант у ходзе правядзення спецыяльнай падрыхтоўкі выконваем навучальныя ракетныя ўдары», – кажа вайсковец на відэа, якім дзеліцца Мінабароны.
Вайскоўцы адточваюць навыкі ў разгортванні баявой машыны і падрыхтоўцы яе да пускаў, адзначае Мінабароны.
У лістападзе 2023 года мінітэрства выхвалялася, што на ўзбраенне беларускай арміі паступіў «найноўшы комплекс рэактыўнай сістэмы залпавага агню "Паланэз-М"».
РСЗА «Паланэз-М» – удасканаленая версія РСЗА «Паланэз», якія таксама ёсць у Беларусі.
«Асноўныя тактыка-тэхнічныя характарыстыкі РСЗА "Паланэз-М" палепшаныя ў параўнанні з папярэднікам і дазваляюць адной баявой машынай адначасова нанесці з высокай дакладнасцю ўдар па васьмі цэлях на далёкасці да 300 км.
Гэта могуць быць камандныя пункты, арсеналы з боепрыпасамі, навала тэхнікі і засяроджванне жывой сілы», – пісала Мінабароны.
«Паланэз-М» Беларусі патрэбны для «стратэгічнага стрымлівання», сцвярджала Міністэрства.
Арсен Рудэнка belsat.eu
