навіны

«Я ў адчаі». Беларус, якому Літва не аддае куплены аўтамабіль, пачаў галадаванне ў Клайпедзе

img
Здымак мае ілюстрацыйны характар. Фота: Freepik
podpis źródła zdjęcia

Рыгор Алексіевіч упэўнены, што мытня суседняй краіны незаконна забараняе вывезці ягоную машыну ў Беларусь.

Як стала вядома «Белсату», мужчына, які знаходзіцца ў Клайпедзе, абвесціў галадаванне 8 верасня. Рыгор Алексіевіч плануе трываць столькі, «колькі хопіць сілаў». Грамадзянін Беларусі называе гэта акцыяй супраць блакавання ў Літве аўтаў, за якія беларусы заплацілі, але вывезці ў нашую краіну не могуць:

,,

«Гэтыя аўтамабілі, бальшыня з іх, і мой таксама, былі купленыя да ўвядзення санкцыяў супраць Беларусі, а менавіта – 1 ліпеня 2024 года. Тое, што нашыя машыны затрыманыя, лічу абуральным беззаконнем. Я адчаяўся знайсці развязанне сітуацыі, я пабываў у ва ўсіх інстанцыях, і адзіным выйсцем бачу галадаванне пратэсту».


Алексіевіч запэўніў, што ад заўтра ў любы момант можа здаць аналізы, каб даказаць адмову ад ежы:


«Я буду галадаваць максімальна доўга, колькі хопіць сілаў. Калі ў некага ўзнікнуць сумневы, я ў любы момант пасля першых содняў ад пачатку галадавання, то бок з 9 верасня, гатовы здаць аналізы крыві на тое, што ў мяне бракуе глюкозы ў крыві».


Беларус таксама заклікаў да разумення «нашых літоўскіх братоў і сясцёр» і заявіў, што «такая палітыка губіць давер да Літвы».


«У клайпедскі порт канчаткова перастануць прыходзіць грузы, порт прыходзіць у заняпад, людзі страчваюць працоўныя месцы. Калі ласка, вазьміце актыўны ўдзел у нашай акцыі, мы вельмі спадзяемся на вашае разуменне і падтрыманне», – падсумаваў Рыгор Алексіевіч.

Здымак мае ілюстрацыйны характар. Пашкоджаны аўтамабіль. (Фота: Pxhere.com, CC0)

Машыны сотняў беларусаў заблакавалі ў Літве і не аддаюць праз санкцыі… што іх не датычаць?

навіны

«Белсат» раней паведамляў пра гэтую сітуацыю: Літва абмежавала вываз аўтамабіляў у Беларусь, спасылаючыся на санкцыі, і стала патрабаваць багата розных дакументаў, у тым ліку дэкларацыю вытворцы, якая мае пацвердзіць, што вытворца ведае канцавога пакупніка ў трэцяй краіне, што пакупнік не будзе парушаць санкцыяў і што агулам пастаўкаю машыны санкцыі не будуць парушаныя.


Праблемы ўзніклі і з ужыванымі аўтамі са значнымі дэфектамі. Такія машыны набываюць збольшага на аўкцыёнах у ЗША дзеля наступнага рамонту і асабістага выкарыстання. І дэкларацыю вытворцы на гэтыя аўтамабілі атрымаць немагчыма.


Паводле неафіцыйных звестак, у порце ў Клайпедзе захраслі блізу 4 тысячаў машынаў, што належаць беларусам. Транспартавыя сродкі стаяць на платнай паркоўцы, за захаванне патрабуюць да 20 еўраў штодня.


Галоўная прэтэнзія беларусаў да ўладаў Літвы – немагчымасць забраць машыны, купленыя да ўхвалення новых правілаў. Была створаная петыцыя на адрас прэзідэнта суседняй краіны, зварот падпісалі больш за тысячу асобаў. Аўтары просяць дазволіць забраць аўтамабілі, адзначаючы, што «разумеюць мэтазгоднасць санкцыяў».


«Белсат» звярнуўся ў літоўскую мытню з просьбай пракаментаваць сітуацыю, аднак адказу пакуль не атрымаў.


Сцяпан Кубік belsat.eu

больш па гэтай тэме Глядзіце больш
Item 1 of 4
апошнія
Item 1 of 10