Дар'я 15 год жыве ў Варшаве і мае польскае грамадзянства, але ўпершыню сутыкнулася з падобнай сітуацыяй. Дзяўчына піша ў сацсетках, што 5 верасня гуляла з сяброўкай і сабакам па цэнтры Варшавы (на пешаходнай дарожцы) і нечакана сутыкнулася з агрэсіўным мужчынам.
«Мужчына ехаў па пешаходнай дарожцы, і сказаў «Spierdalajcie». Потым ён злез з ровара і ўдарыў мяне па твары. Балюча, што ў мужчыны такама быў нож у руцэ», — піша яна.
На дапамогу дзяўчыне прыйшлі мужчыны з суседняга кафэ, якія павалілі ўкраінца на зямлю. Прыехала хуткая дапамога і паліцыя. У нападаючага не было дакументаў,
ён быў цвярозым, таму паліцыянт сказаў, што ён нічога не можа зрабіць. Магчыма, яму дадуць штраф за праезд па пешаходнай зоне, але пакуль яго адпусцілі. Дзяўчыне прапанавалі прыйсці ў аддзяленне на наступны дзень і зняць пабоі.
«Я нават не ведаю, ці правяралі ўвогуле ягоныя дакументы. Мужчына з Украіны сказаў, што яму 37 гадоў, ён працуе на будоўлі, грошай у яго няма, таму штраф ён плаціць не будзе (нажаль, сказаў не самымі лепшымі словамі). Ён даў свой адрас паліцыі, але я думаю, што ён схлусіў, таму што мы праверылі адрас — такога дома няма», — кажа дзяўчына.
Дар'я ў шоку ад сітуацыі і адчування, што можна вось так без прычыны збіць чалавека на вуліцы і пайсці да дому беспакараным.
«Я ў жаху, у поўным шоку і ў жаху прама цяпер, калі мне даводзіцца адчуваць боль, і што нехта будзе так сябе паводзіць. Стамілася ад закона. Плачу», — дзеліцца Дар'я.
Тэса Анэйда belsat.eu
