Падчас канферэнцыі «Новая Беларусь», якая праходзіла ў Вільні 3-4 жніўня, быў ухвалены праект дэкларацыі аб падтрымцы працы незалежных медыя. Асобным пунктам у дакуменце згадваецца «Белсат».
«Мы асобна падкрэсліваем важнасць захавання і падтрымкі тэлеканала «Белсат» – унікальнага праекта польскай дапамогі, дзякуючы якому мільёны беларусаў і беларусак атрымліваюць доступ да непадцэнзурнай інфармацыі», - гаворыцца ў дэкларацыі.
У цэлым дэмакратычныя сілы выказваюць падтрымку ўсім беларускім незалежным медыям, якія «працягваюць сваю працу ў надзвычайна неспрыяльных умовах». Аўтары дэкларацыі нагадваюць пра пераслед незалежных медыяў, рэпрэсіі супраць журналістаў, ціск на іх сваякоў.
,,«Мы адзначаем неабходнасць праграмнай і інстытуцыйнай фінансавай дапамогі для медыя і блогераў ад міжнародных партнёраў. Праца медыя вельмі важная, і ў цяперашніх умовах не можа быць у дастатковым аб’ёме прафінансаваная іншымі шляхамі», - гаворыцца ў дакуменце.
У дэкларацыі таксама выказваецца «павага да незалежнасці рэдакцыйнай палітыкі СМІ” і вітаецца «імкненне да разнастайнага інфармацыйнага ландшафту».
Падрабязней пра вынікі канферэнцыі дэмакратычных сілаў «Новая Беларусь» можна прачытаць тут і тут.
Глеб Нержын, «Белсат»
