Іран вырашыў атакаваць Ізраіль і перадаў паведамленне пра гэта праз міністра замежных справаў і знешнеэканамічных сувязяў Вугоршчыны Петэра Сіярты. Паводле звестак выдання JPost, ён атрымаў гэтую інфармацыю падчас размовы з выконваючым абавязкі міністра замежных справаў Ірану Алі Багеры Кані.
Як паведамляецца, Сіярта патэлефанаваў кіраўніку МЗС габрэйскай дзяржавы Ісраэлю Кацу і растлумачыў яму, што атрымаў гэтую інфармацыю падчас размовы з Алі Багеры Кані.
,,«Іран паведаміў нам, што мае намер атакаваць Ізраіль», – цытуе Каца The Jerusalem Post.
«Свет павінен спагнаць з Ірану цану за любыя агрэсіўныя дзеянні, якія ён распачне», – дадаў кіраўнік знешнепалітычнага ведамства.
Надзея Вольная
