Сярод памілаваных, якія выйшлі на волю сёння, адна з заснавальніц ініцыятывы «Маці-328» Марына Кісялевіч.
Пра гэта паведаміла стваральніца ініцыятывы «Палітвязынка» Яўгенія Доўгая.
Марыну Кісялевіч асудзілі ў траўні 2021 года на 4 гады абмежавання волі з накіраваннем у папраўчую ўстанову адкрытага тыпу («хімія»). Жанчыну вінавацілі па двух артыкулах Крымінальнага кодэксу РБ: ч. 2 арт. 368 (абраза Лукашэнкі) і ч. 2 арт. 367 (паклёп на Лукашэнку).
Затрымалі Марыну Кісялевіч 7 лютага 2022 года паводле даносу неабыякавага грамадзяніна за допісы «ВКонтакте». Доўгі час яе утрымлівалі ў РНПЦ псіхічнага здароўя ў Навінках, а пасля да суду перавялі ў СІЗА.
12 красавіка гэтага года адбылося чарговае судовае пасяджнне, на якім разглядалася пытанне аб узмацненні пакарання ў дачыненні да палітзняволенай. Вынікам пасяджэння стала замена абмежавання волі на пазбаўленне волі ў калоніі тэрмінам 10 месяцаў.
Вядома, што ў 2017 годзе сын Марыны Кісялевіч быў асуджаны на 13 гадоў калоніі.
Ініцыятыва «Маці-328» аб’ядноўвала жанчын, чые дзеці ў юнацкім узросце былі асуджаныя на вялікія тэрміні паводле артыкула 328 КК за незаконны абарот наркатычных сродкаў. На думку ўдзельніц ініцыятвы, у некаторых выпадках тэрміны зняволення былі несувымернымі злачынствам, а закон не ўлічваў асобы злачынцаў, іхны ўзрост і іншыя акалічнасці.
Раман Шавель belsat.eu
