Польскі МУС узгадніў праект, паводле якога буферная зона на мяжы з Беларуссю з 11 верасня будзе працягнуты яшчэ на тры месяцы.
Паводле намесніка кіраўніка Міністэрства ўнутраных справаў і адміністрацыі Чэслава Мрочака, буферная зона, якая працуе ўжо тры месяцы, прыносіць сваю карысць, а яе негатыўны сацыяльна-эканамічны ўплыў невялікі.
«Гэтая зона спрыяла зніжэнню колькасці спроб незаконнага перасячэння мяжы. Дзякуючы таму, што яна практычна ахоплівае неасвоеную тэрыторыю, яна практычна не ўплывае на сацыяльна-эканамічныя функцыі, але спрыяе павышэнню бяспекі на гэтай тэрыторыі», – адзначыў Чэслаў Мрочак.
Прадстаўнік міністэрства таксама падкрэсліў, што праект ужо вынесены на міжведамасныя кансультацыі і адначасова на кансультацыі з прадстаўнікамі рэгіянальнай і мясцовай адміністрацыі.
Нагадаем, што буферная зона на польска-беларускай мяжы пачала дзейнічаць з 13 чэрвеня 2024 года. Яна была ўсталяваная незабаве пасля выпадку ранення польскага памежніка адным з мігрантаў. Знаходжанне ў гэтай зоне забароненае.
Раман Шавель belsat.eu
