Чаму так сталася, кампанія «VFS Global» не растлумачыла.
Ад 1 верасня «VFS Global» спыніла прыманне заяваў на польскія візы кур’ерскай службай. Цяпер, каб падаць дакументы, ўсім, акрамя няпоўнагадовых, патрабуецца асабісты візіт у візавыя цэнтры кампаніі.
Дагэтуль кур’ерам можна было выслаць заяву на польскую нацыянальную візу D.
Паведамленні ў Telegram-чатах, дзе абмяркоўваюць афармленне шэнгену, сведчаць, што паслуга, якая каштавала ад 80 да 120 рублёў, карысталася папулярнасцю.
Дарэчы, карыстальнікі пішуць, што запісацца ў візавы цэнтр самастойна, без нелегальных пасярэднікаў, цалкам магчыма. Пры гэтым цяжэй за ўсё гэта зрабіць у Менску.
Выбіраць цэнтр для падавання дакументаў належыць у залежнасці ад месца рэгістрацыі ў Беларусі. Жыхары Берасцейскай вобласці — у Берасці, Баранавічах і Пінску, зарэгістраваныя ў Гарадзенскай вобласці — у Горадні і Лідзе, усе астатнія — у Менску, Магілёве і Гомлі.
Як паведамляў раней «Белсат», летась Польшча выдала ў Беларусі 31 тысячу візаў (агулам шэнгенскія краіны аформілі 158 тысячаў).
Сцяпан Кубік belsat.eu
