Плывец Ігар Бокій у першы дзень Паралімпіяды заваяваў залаты медаль — на стометроўцы батэрфляем у класе S13.
«У фінальным заплыве беларус паказаў лепшы час-54.13. Гэта 17-е золата Паралімпіяды ў кар'еры Бокага, — паведамляе Мінспорту і турызму. —Заўтра ў басейне Пары-Ла-Дэфанс арэны будуць разыграны індывідуальныя ўзнагароды на дыстанцыі 100 м на спіне. Нашу каманду прадставяць Ігар Бокій і Яўген Кавалёнак».
Да 30 гадоў у Бокага таксама 30 медалёў чэмпіянатаў свету, з іх 28 — залатыя. На Паралімпійскіх гульнях ён упершыню апынуўся ў 2012 годзе ў Лондане і адразу заваяваў пяць залатых медалёў.
Спартсмен вырас у Бабруйску, пачаў займацца плаваннем у 6 гадоў. З-за праблем са зрокам з дзяцінства, падлеткам ён трапіў у паралімпійскі спорт.
Арсен Рудэнка belsat.eu
