У Расеі на трасе, што злучае Санкт-Пецярбург і Маскву, было знойдзена цела грамадзяніна Беларусі. Прычыны смерці высвятляюцца.
Паводле паведамлення тэлеканалу «Санкт-Пецярбург», вечарам 26 жніўня ў канаве каля трасы М-11, якая злучае паміж сабой Санкт-Пецярбург і Маскву, было знойдзенае цела грамадзяніна Беларусі.
Паведамленне пра гэта ў паліцыю перадаў мужчына, які прыкмеціў на 675 кіламетры трасы спынены аўтамабіль. Ён таксама сказаў, што адбойнік на дарозе быў увесь у крыві.
Паліцыя, якая прыехала на месца здарэння, знайшла на трасе тое самае аўта, а побач з ім у канаве знайшлі цела мужчыны з рэзанымі ранамі абодвух перадплеччаў.
Цела мужчыны накіраванае ў морг дзеля высвятлення прычынаў смерці.
Раман Шавель, «Белсат»
