Афіцыйная інтэрнэт-старонка «Белсату» belsat.eu, якая ад 1 жніўня была неактыўная з тэхнічных прычынаў, 26 жніўня аднавіла сваю працу.
Пакуль на старонцы не адноўлены ўвесь ранейшы функцыянал, але каманда журналістаў і тэхнікаў працуе над развязаннем гэтых пытанняў.
«Паступова будзем паляпшаць і напаўняць, аднаўляць ранейшую функцыянальнасць. У дадзенай сітуацыі гэта каштавала і надалей каштуе шмат высілкаў, за якія я шчыра ўдзячны маім каляжанкам і калегам з „Белсату“, і адпаведных службаў TVP», – адзначыў выканаўца абавязкаў дырэктара «Белсату» Аляксей Дзікавіцкі.
Прыкладна праз тыдзень мае вярнуцца ў працу таксама расейскамоўны партал «Вот Так». Апроч таго, ідзе праца над вяртаннем сервісу праверкі беларускай арфаграфіі «Добрапіс».
«Белсат»
