Гісторыя пра тое, што помнік менскаму гарадавому нельга вешаць, нельга даваць яму аплявуху, нельга саграваць яго ў халодную пару года шалікам, а цяпер яшчэ і нельга яго цалаваць, уразіла мяне ў самае сэрца. Аказваецца, гэтаму гарадавому, якога ахоўвае міліцыя, чужое ўсё чалавечае, уключаючы пацалункі цудоўных беларускіх дзяўчат. Чаму? Таму, што ён і павінен быць бяздушным балванам. Нават сабачка не мае права пацерціся аб ягоную нагу, бо – нельга, і ўсё тут.