Міністр унутраных справаў Ігар Шуневіч выказаў захапленне эксперыментам, які праводзіцца ў ягоным ведамстве: працоўнага «зняволення» асуджаных на сельгаспрадпрыемстве «Хутар-Агра» ў Светлагорскім раёне. Там правялі «Дажынкі», з-за чаго міністр трапіў у адміністратыўнае захапленне. Яшчэ б: сваё свята! Ну, скажам, «Славянскі базар» сіламі зэкаў розных нацыянальнасцяў правесці – і зусім дзяржава ў дзяржаве атрымаецца.