Калісьці акторцы Дэмі Мур прадракалі, што яна загубіць сваю карʼеру, зняўшыся ў фільме з назвай «Стрыптыз» (1996). Гэтак і адбылося. Цяпер на ролю стрыптызёркі пагадзілася Джэніфэр Лопэс. Прэмʼера фільму адбылася на кінафестывалі ў Таронта. Назіральнікі сышліся ў меркаванні, што ў Лопэс гэта найлепшая роля за доўгія гады, ну а фільм прынёс прыбытак паводле вынікаў пракату ЗША ў першы ўікэнд.