Месяц будзе халодным і снежным.
У бліжэйшы тыдзень, з 8 па 14 студзеня, надвор’е будзе халодным і няўстойлівым, з перападамі тэмпературы і ціску, распавёў сіноптык Дзмітрый Рабаў.
На пачатку тыдня, 8-9 студзеня, Беларусь будзе знаходзіцца ў зоне ўплыву халоднага скандынаўскага антыцыклону, які прынясе воблачнае з праясненнямі надвор’е, без значных ападкаў. Невялікі снег чакаецца ў аўторак па паўночным усходзе.
Тэмпература паветра ўдзень у панядзелак 8 студзеня складзе ад -10°C да -15°C, ноччу – ад -11°C па паўднёвым захадзе, да -24°C па паўночным усходзе. Удзень 9 студзеня – да 10°C.
З сярэдзіны тыдня прыйдуць цяплейшыя паветраныя масы з Заходняй Еўропы. Па большай частцы краіны пройдзе снег. Месцамі будзе туман. Тэмпература паветра ў сераду 10 студзеня ўночы чакаецца ад -2°C да -7°C, удзень – ад 0°C па захадзе да -8°C па паўночным усходзе.
Пачатак другой паловы тыдня будзе снежным. Ноччу ў чацвер, 11 студзеня, тэмпература паветра складзе ад -3°C да +3°C. У пятніцу 12 студзеня – ад -4°C па паўднёвым захадзе да -17°C па ўсходзе. Удзень у чацвер будзе каля 0°C, у пятніцу – ад -10°C па паўднёвым захадзе да -18°C па паўночным усходзе.
На выходныя пад уплывам атлантычнага цыклону ў большасці рэгіёнаў пройдзе снег. Тэмпература паветра ў суботу 13 студзеня ўдзень складзе ад -9°C да -15°C, у нядзелю 14 студзеня – да -5°C.
Сярэднемесячная тэмпература ў студзені чакаецца ніжэйшай за кліматычную норму, якая складае ад -4,5°C на паўднёвым захадзе да -8°C на паўночным усходзе.
Месячная колькасць ападкаў у студзені чакаецца вышэйшай за сярэднюю – ад 15 да 20 дзён будуць са снегам. Ад 3 да 8 дзён чакаюцца з мяцеліцамі.
Да канца студзеня на паўтары гадзіны павялічыцца працягласць светлага часу содняў. Сонечна будзе ад 41 да 55 гадзіны цягам месяцу.
Марыя Міхалевіч belsat.eu
