Колькі чалавек і ў які горад паляцелі – невядома.
Прэс-служба Міністэрства абароны Беларусі паведаміла сёння, што беларускія вайскоўцы «пройдуць навучанне на тэрыторыі Расейскай Федэрацыі». Апублікаванае відэа, на якім бачна, як людзі ў вайсковай форме з цяжкім багажом заходзяць у самалёт, што потым узлятае.
«У хадзе заняткаў акцэнт будзе зроблены на досвед, атрыманы Узброенымі Сіламі Расеі падчас вядзення спецыяльнай ваеннай аперацыі», – удакладняе прэс-служба Міністэрства абароны Беларусі.
Колькі чалавек паляцела «праходзіць навучанне» ў Расеі і да якога падраздзялення яны належаць, не паведамляецца. Таксама невядома, куды канкрэтна накіраваўся самалёт.
У паведамленні Мінабароны гаворыцца, што пасля завяршэння навучання беларускія вайскоўцы маюць перадаць атрыманы досвед падраздзяленням Узброеных сілаў РБ – яны будуць працаваць у якасці інструктараў «у найбольш складаных дысцыплінах баявой падрыхтоўкі».
Зміцер Міраш belsat.eu
