СМІ сцвярджаюць, што гэта аперацыя СБУ.
Адбыўся пажар на тэрмінале найбуйнейшага расейскага вытворцы звадкаванага прыроднага газу «Новатэк». 21 студзеня гарэла цыстэрна з палівам аб’ёмам 100 кубаметраў. Мясцовыя ўлады сцвярджаюць, што ён адбыўся з-за двух выбухаў.
«Інтэрфакс-Украіна» са спасылкай на крыніцы паведаміла, што пажар стаў вынікам аперацыі СБУ. Атака нібыта здзейсненая з дапамогай дронаў.
«Нафтавы тэрмінал “Усть-Луга Ойл” у Ленінградскай вобласці – важны абʼект для праціўніка. Там перапрацоўваецца паліва, якое, у тым ліку, пастаўляецца і расейскім войскам.
Паспяховая атака на такі тэрмінал не толькі наносіць эканамічную шкоду суперніку, пазбаўляючы акупантаў магчымасці зарабляць грошы на вядзенне вайны ва Украіне, але і істотна ўскладняе лагістыку паставак паліва для расейскіх вайскоўцаў», – кажа крыніца «Інтэрфакс-Украіна».
Губернатар Ленінградскай вобласці Аляксандр Драздзенка паведаміў, што пацярпелых няма і ўсе рабочыя эвакуяваныя.
Расейскія СМІ пішуць, што пашкоджаныя два рэзервуары і помпавая станцыя. «Новатэк» прыйшлося прыпыніць некаторыя аперацыі.
Комплекс, які гарэў, знаходзіцца ў Фінскім заліве прыкладна ў 170 км ад Санкт-Пецярбурга. Порт выкарыстоўваецца для адгрузкі нафтапрадуктаў.
Арсен Рудэнка belsat.eu
