Новы пакет будзе абмяркоўвацца ў лютым.
Еўрапейскі Звяз рыхтуе новы санкцыйны пакет у дачыненні Расеі. У ім можа аказацца і Беларусь. Пра гэта ў сацсетцы «X» паведаміў журналіст радыё «Свабода» Рыкард Юзьвяк.
Паводле журналіста, новы пакет будзе абмяркоўвацца ў наступным месяцы.
«Чатыры найбольш «ястрабіныя» дзяржавы – Эстонія, Латвія, Літва і Польшча – хочуць забараніць імпарт СПГ і алюмінію, спыніць фінансаванне супольных навуковых даследаванняў, павялічыць санкцыі ў авіяцыйным сектары», – заявіў Рыкард Юзьвяк.
Паводле яго, гэтыя краіны таксама прапаноўваюць зраўняць галіновыя абмежаванні, уведзеныя адносна Расеі, і для Беларусі.
Тым не менш, пытанне ўраўнавання жорсткасці санкцыяў ЕЗ у дачыненні Беларусі і Расеі ўздымаецца не першы раз. Але пакуль гэтага зроблена не было.
Якуб Хруст belsat.eu
