Атака была здзейсненая беспілотнікам.
Здарэнне адбылося падчас выбуху аўтамабіля «Toyota Land Cruiser» у частцы Багдаду пад назваю Аль-Машталь. Атака на машыну была здзейсненая беспілотнікам. Загінулі трое чалавек, двое атрымалі раненні.
Згодна з паведамленнем тэлеканалу «Аль-Джазійра», сярод загінулых – лідары іракскіх брыгадаў шыіцкай групоўкі «Хізбула» Аркан аль-Аляйві і Абу Бакір аль-Саадзі.
Асоба трэцяга загінулага пакуль невядомая, ёсць версія, што ён быў целаахоўнікам, паводле іншых звестак – камандзірам мясцовай міліцыі.
Вядома, што аль-Саадзі адказваў за ракетныя аперацыі і атакі дронаў брыгадаў «Хізбулы», а аль-Аляйві быў камандуючым выведкай і інфармацыяй шыіцкага апалчэння, якое падтрымлівалася Іранам.
Вядома таксама, што яшчэ адзін беспілотнік здзейсніў атаку на склад Атрадаў народнай мабілізацыі, што месціўся ва ўсходняй частцы Багдаду.
Афіцыйны прадстаўнік ЗША ў паведамленні каналу «Аль-Джазійра» заявіў, што ў Вашынгтоне ведаюць пра выбухі ў Багдадзе. У Міністэрстве абароны ЗША таксама паабяцалі даць дадатковую інфармацыю «ў адпаведны час».
Раман Шавель belsat.eu
