Абодва ўказы былі падпісаныя 8 лютага, у дзень звальнення Залужнага.
Уладзімір Зяленскі прысвоіў званне Героя Украіны экс-галоўнакамандуючаму Валерыю Залужнаму і кіраўніку ГРУ Кірылу Буданаву.
Указ аб уганараванні Залужнага Уладзімір Зяленскі падпісаў у дзень адстаўкі былога галоўнакамандуючага.
У дакуменце адзначаецца, што Валерый Залужны ўзнагароджаны «за выбітныя асабістыя заслугі ў абароне дзяржаўнага суверэнітэту і тэрытарыяльнай цэласнасці Украіны, самаадданае служэнне ўкраінскаму народу».
Таксама званне Героя Украіны было прысвоенае кіраўніку Галоўнага ўпраўлення выведкі Мінабароны Украіны Кірылу Буданаву. У загадзе адзначаецца, што ўзнагарода ўручаецца яму за асабістыя мужнасць і гераізм, праяўленыя ў абароне дзяржаўнага суверэнітэту і тэрытарыяльнай цэласнасці Украіны, самаадданае служэнне ўкраінскаму народу.
8 лютага Уладзімір Зяленскі звольніў Валерыя Залужнага з пасады галоўнакамандуючага Узброеных сілаў Украіны. На гэтую пасаду быў прызначаны Аляксандр Сырскі. Апошні таксама мае званне Героя Украіны, якое атрымаў яшчэ ўвесну 2022 года, неўзабаве пасля адводу расейскіх войскаў з Кіеўскай вобласці.
Раман Шавель belsat.eu
