Школаў – мінус 40 %. За 13 гадоў.
У Беларусі з 1994 года істотна зменшылася колькасць школаў. Калі ў 1994-м у краіне іх было каля 5 тысячаў, то ў 2023/2024 навучальным годзе – усяго 2872. Такія звесткі прыводзіць Беларускі расследавальніцкі цэнтр са спасылкаю на афіцыйную статыстыку.
Паводле «Белстату», у 2000 годзе ў Беларусі працавала 4700 школаў, сёлета вучняў прымалі 2872 школы.
Няўхільна скарачаецца і колькасць больніцаў. Беларускі расследавальніцкі цэнтр падлічыў, што ў 1990 годзе ў Беларусі было 874 больніцы, у канцы 2022 года іх колькасць знізілася да 585.
БРЦ згадвае, як прапагандыст Рыгор Азаронак 6 лютага ў гутарцы з палітолагам Пятром Пятроўскім распавядаў, што беларусы павінныя дзякаваць Аляксандру Лукашэнку, бо краіна не зведала скарачэння колькасці школаў і больніцаў з 1990 гадоў. Гэтае сцверджанне Азаронка аказалася фэйкам, падсумоўвае БРЦ.
Зміцер Міраш belsat.eu
