Намеснік міністра абароны Андрэй Жук правёў заняткі па агнявой падрыхтоўцы з кіраўнікамі ўстаноў вышэйшай адукацыі. Пра гэта паведаміла Міністэрства абароны. «Падчас збору асаблівая ўвага была ўдзелена курсам пачатковай ваеннай падрыхтоўкі, якія будуць уведзены ва ўсіх беларускіх ВНУ з 1 верасня 2024 года. Удзельнікам мерапрыемства былі прадэманстраваны элементы заняткаў па тактычнай медыцыне, інжынернай падрыхтоўцы, радыяцыйнай, хімічнай і біялагічнай абароне і іншае», – распавядае Мінабароны. Таксама прадстаўнікам ВНУ зладзілі спаборніцтвы па стральбе з пісталета Макарава. Пасля пачатку поўнамаштабнай вайны ва Украіне беларускія ўлады спрабуюць ваенізаваць усё, да чаго дацягваюцца. Напрыклад, школьнікаў адпраўляюць у ваенна-патрыятычныя лагеры ў рамках курсаў дапрызыўнай падрыхтоўкі. Таксама Аляксандр Лукашэнка даручыў стварыць па ўкраінскім узоры тэрытарыяльную абарону і народнае апалчэнне у Беларусі. Арсен Рудэнка belsat.eu
