Да такіх высноваў прыйшлі ў Мінабароны Вялікай Брытаніі.
Брытанская выведка сцвярджае, што сярэднядзённы ўзровень расейскіх стратаў забітымі і параненымі цягам лютага 2024 года быў самым высокім з пачатку поўнамаштабнага ўварвання ва Украіну.
Паводле дадзеных брытанскай выведкі, у лютым 2024 года страты расейскай арміі ва Украіне ў сярэднім складалі 983 асобы за содні.
,,«Рост сярэднядзённага паказніка стратаў адлюстроўвае прыхільнасць Расеі да масаванай вайны на знясіленне. Хоць гэта і дорага каштуе з пункту гледжання чалавечых жыццяў, такі эфект узмацняе ціск на пазіцыі Украіны на ўсёй лініі фронту», – канстатуе Мінабароны Вялікай Брытаніі.
Агульныя страты Расеі за час поўнамаштабнай вайны брытанскі бок ацэньваў больш чым на 355 тыс. асобаў забітымі і параненымі.
У лютым прэзідэнт Украіны Уладзімір Зяленскі заявіў, што Расея за два гады вайны страціла 180 тысяч толькі загінулымі, а разам з параненымі – паўмільёна.
Глеб Нержын belsat.eu
