Іх вінавацяць ва ўдзеле ў пратэстах 2020 года.
Супрацоўнікі ГУБАЗіКу ўчынілі хапун у Бярозе і затрымалі некалькі чалавек. Іх вінавацяць ва ўдзеле ў пратэстах 2020 года.
На гэты момант дакладна вядома пра чацвярых затрыманых, гэта мужчыны. У «пакаянных» відэа яны гавораць пра свой удзел у пратэстах 2020 года. Аднаму на шыю павязалі шалік хакейнага клубу «Дынама» (Менск).
Статус і абвінавачанні, выстаўленыя затрыманым, пакуль невядомыя.
У канцы відэа губазікаўцы анансуюць новыя затрыманні: на відэа паказаныя аператыўныя здымкі хапуна ў дачыненні яшчэ некалькіх асобаў.
Фота на вокладцы: кадры затрымання ў Бярозаўцы / здымак з відэа ў тэлеграм-канале сілавікоў.
Раман Шавель belsat.eu
