Супраць імпарту з Украіны і «зялёнай стратэгіі» Еўразвязу. У Варшаве адбылася вялікая забастоўка фермераў

06.03.2024, 22:24

Людзі сабраліся каля Сейму Польшчы. (Фота: Белсат)

podpis źródła zdjęcia

Сабралі фатаграфіі з пратэсту польскіх фермераў.

У цэнтры польскай сталіцы 6 сакавіка адбылася маштабная забастоўка фермераў. Акцыя пачалася каля канцылярыі прэм’ер-міністра Польшчы Дональда Туска, дзе дэманстранты пасярод дарогі падпалілі шыны і труну. Пасля натоўп рушыў да будынку Сейму Польшчы, падчас сутыкненняў паліцыя ўжыла слезацечны газ. Сабралі фатаграфіі з пратэсту.

Пад’ёмны кран трымае труну з надпісам «Фермер, ён пражыў 20 гадоў, яго забіў «Зялёны курс» падчас усеагульнай забастоўкі польскіх фермераў. Варшава, Польшча. 6 сакавіка 2024 года. (Фота: Белсат)

Частка ўдзельнікаў акцыі планавала далучыцца на трактарах і заблакаваць галоўныя вуліцы сталіцы, але паліцыя ўсталявала загароды і шыпы на ўездзе ў Варшаву і не дазволіла гэтага зрабіць. Патрабаванне фермераў вядомыя: яны незадаволеныя імпартам аграрнай прадукцыі з Украіны, а таксама ўкараненнем «зялёнай стратэгіі» Еўразвязу для сельскай гаспадаркі, якая накладвае на іх пэўныя абмежаванні.

Людзі сабраліся каля Сейму Польшчы. (Фота: Белсат)

Па інфармацыі Polsat News ля будынку Сейму адбыліся сутыкненні з паліцыяй: некалькі праваахоўнікаў пацярпелі. Удзельнікі дэманстрацыі пачалі кідаць тратуарную плітку ў паліцыянтаў, у адказ тыя ўжылі слезацечны газ. Дзясяткі чалавек затрыманыя.