Сёння ў месцах зняволення па палітычных справах утрымліваецца 171 жанчына.
Са жніўня 2020 года палітычнаму пераследу ў Беларусі падвергліся больш за восем тысяч жанчын, гаворыцца ў аглядзе праваабарончага цэнтру «Вясна» да Міжнароднага жаночага дня 8 сакавіка.
«Сёння ў Беларусі налічваецца 171 палітвязняў жанчын, якія на дадзены момант утрымліваюцца ў месцах няволі», – адзначаецца ў справаздачы.
У сувязі з пратэстамі супраць дзейнай улады і вайны ва Украіне з 2020 года ў агульнай складанасці былі асуджаныя мінімум 1 033 жанчыны, з іх 242 прыгавораны да пазбаўлення волі ў калоніі, 567 – да абмежавання волі, 17 – да штрафу, пяць – да арышту, дзве – да прымусовага лячэння ў псіхіятрычным стацыяныры.
За гэты час асуджана і вызвалена са зняволення мінімум 321 жанчына.
Ася Саковіч belsat.eu
