Сума расейскага гранту не называецца.
Праўладны Саюз пісьменнікаў Беларусі атрымаў грант Адміністрацыі прэзідэнта РФ на правядзенне ў красавіку літаратурнага фестывалю «Русь і Беларусь адзіная». Пра гэта паведаміў на прэс-канферэнцыі старшыня Менскага гарадскога аддзялення арганізацыі Міхаіл Пазнякоў.
,,«У мінулым годзе мы выйгралі грант Адміністрацыі прэзідэнта Расейскай Федэрацыі на правядзенне фестывалю ў Беларусі і ў Ліпецкай вобласці «Русь i Белая Русь – адзіныя». Спецыяльнага для гэтага мы рыхтуем сумесныя выданні.
5 красавіка адкрываем гэты фестываль тут у Менску. Яго правядуць Саюз пісьменнікаў Беларусі, Беларускі дзяржаўны музей гісторыі Вялікай Айчыннай вайны, літаратурна-мемарыяльны музей Якуба Коласа і Цэнтральная гарадская бібліятэка імя Янкі Купалы.
А пасля фестываль працягнецца ў Ліпецку, на ліпецкай зямлі. Фінансаванне будзе ажыццяўляцца поўнасцю праз ліпецкую пісьменніцкую арганізацыю», – распавёў Пазнякоў.
Сума расейскага гранту не называецца.
Нагадаем, Саюз пісьменнікаў Беларусі (СПБ) аб’ядноўвае лаяльных палітычнаму курсу рэжыму Аляксандра Лукашэнкі пісьменнікаў, крытыкаў, літаратуразнаўцаў.
Глеб Нержын belsat.eu
