навіны

У Беларусі ў 2,5 разу скарацілася жыллёвае будаўніцтва з дзяржаўным падтрыманнем

Будаўніцтва жылога комплексу «Менск Свет». Менск, Беларусь. 26 траўня 2021 года. (Фота: Белсат)
Будаўніцтва жылога комплексу «Менск Свет». Менск, Беларусь. 26 траўня 2021 года. (Фота: Белсат)
podpis źródła zdjęcia

Жытла для тых, каму патрабуецца паляпшэнне ўмоваў пражывання, пабудавалі ўдвая меней.

У студзені – лютым у Беларусі ўвялі ў эксплуатацыю 417,1 тысячы квадратных метраў агульнай плошчы жытла, паведаміў Белстат. Гэта на 29 % меней, чымся летась.
Будаўніцтва жылога комплексу «Менск Свет». Менск, Беларусь. 26 траўня 2021 года. (Фота: Белсат)
Будаўніцтва жылога комплексу «Менск Свет». Менск, Беларусь. 26 траўня 2021 года. (Фота: Белсат)
Паводле статыстычнага ведамства, за першыя два месяцы года ў Беларусі пабудавалі 3,6 тысячы кватэраў.
У эксплуатацыю ўвялі 417,1 тысячы квадратных метраў агульнай плошчы жытла, што на 29 % меней, чымся год таму. Аб’ёмы будаўніцтва ў студзені – лютым падаюць тры гады запар. Апошні раз болей жытла ўвялі ў эксплуатацыю ў 2021 годзе ў параўнанні з 2020-м.


Белстат таксама паведамляе, што 28 % усяго жытла (116,8 тысячы квадратных метраў), што пабудавалі ў студзені – лютым, прызначаецца для грамадзянаў, якім патрабуецца паляпшэнне ўмоваў пражывання. Гэта ўдвая меней, чымся год таму.
Акрамя таго, істотна зменшылася будаўніцтва жытла з дзяржаўным падтрыманнем: 74,4 тысячы квадратных метраў замест 184,5 тысячы ў 2023 годзе. Скарачэнне ў 2,5 разу.
43 % ад агульнай плошчы жытла пабудавалі ў сельскай мясцовасці.
Раней «Белсат» паведамляў, што ў студзені – лютым ВУП Беларусі, паводле афіцыйных звестак, вырас на 4 % год да года, пры гэтым будаўніцтва паказала вынік -0,6 %.
Сцяпан Кубік belsat.eu

больш па гэтай тэме

Глядзіце больш
Item 1 of 4

апошнія

Item 1 of 10